Bonveno a Wikipedio, l'enciklopedio libera e gratuita, redaktata da la propra lektanti per Ido, Esperanto reformita e selektita kom l'internaciona helpanta linguo ye 1907. Vu povas obtenar l'informo quan vu serchas sequante la ligili od uzante la sercho-buxo ye la supra dextra parto dil fenestro.
Anke vu povas kunlaborar editante l'artikli qui ja publikigesis por plubonigor li o kreante nova artikli pri temi quin vu bone konocas. Memorez ke la reda ligili havas nula artiklo asociata e ke se vu volas skribor pri nova temo qua ne havas ula ligilo kreata, unesme vu mustas serchar existanta artiklo relatanta por krear ligilo a vua nova skribajo ibe. Vu povas krear necesa ligilo ank en Probeyo.
Ne timez pro ne skribor vua artikli per perfekta Ido. Plu experta idisti revizos e korektigos ol pose. Simple atachez la ligilo {{Revizo}} a vua artiklo ed olu aparos en la fako Pagini revizinda por ke altra idisti revizez ol.
en historio
dum julio 50, 100 e 150 yari ante nun …
26 di julio1975. En Oxford, Anglia, la politikisto Liz Truss naskis. Ye la Universitato di Oxford el studiis filozofio, politiko ed ekonomio, e gradizesis en 1996. Pos du nesucesoza esforci divenar parlamentano en 2001 e 2005, el elektesis kom membro di parlamento en 2010. El divenis ministro en la guvernerio en 2012, en diversa ofici dum la sequanta yari, til ke en 2021 el selektesis kom exterlanda sekretario. Pos la demisiono di la chefministro Boris Johnson en julio 2022, el elektesis ye 6 di septembro 2022 kom duktanto di la Conservative-partiso e chefministro di la Unionita Rejio. Ye 23 di septembro, elua ministro por financo Kwasi Kwarteng anuncis radikala budjeto, qua male recevesis da financala merkati e da plura membri di la Conservative-partiso; lo eventuale efektigis elua demisiono kom chefministro, pos 49 dii en la ofico.
6 di julio1925. En Highland Park, Michigan Usa, la muzikisto Bill Haley naskis. Dum la 1940-yardeko "Bill Haley and the Saddlemen" pleis en klubi e per la radio en la regiono di Philadelphia, ed en 1951 li unesmafoye enregistrigis kansoni. En 1952 la bando ri-nomizesis "Bill Haley with Haley’s Comets", la nomo inspirite da Kometo Halley. En 1954 li enregistrigis Rock Around the Clock, qua ganis granda suceso; esas supozata ke la kansono iniciis la muzikala jenro Rock and Roll.
31 di julio1875. En Elizabethton, Tennessee, Andrew Johnson, Prezidanto di Usa de 1865 til 1869, mortis. Il esis Guvernero di Tennessee de 1853 til 1857, ed en ta yaro il elektesis kom senatano. Abraham Lincoln, dezirante indikar nacionala uneso pos la interna milito, selektis il kom vice-prezidanto en 1864, nam Johnson ne demisionabis kom senatano ye la des-asocio di la sudala stati en 1861, di qui Tennessee esis membro. Johnson divenis prezidanto pos la asasineso di Lincoln en 1865. Dum ilua prezidanteso il durante opozis la federale garantiita yuri di nigra Usani; il esas egardata kom un de la maxim mala de Usana prezidanti.
Un ek la maxim anciena urbi de Brazilia, fondita en 1543, nun lua portuo esas la maxim importanta di Sud-Amerika. Santos ank esas importanta turistala e komercala urbo. Lua precipua turistal atraktivo esas lua plaji longa de 7 km.
Prato
Prato esas regiono di la Tero ube la dominacanta plantaro konsistas ek herbi, nam la pluvo ordinare ne esas suficanta por sustenar plu alta plant-formi.
Esas tri speci: savano, o tropikala herblando, havas grosa herbi, e trovesas en Afrika e Sud-Amerika.
